ზვიად ქორიძე აჭარის საზოგადოებრივი მაუწყებლის გუნდის წევრი გახდა

ჟურნალისტი და შეწყალების კომისიის ყოფილი თავჯდომარე ზვიად ქორიძე საზოგადოებრივი მაუწყებლის აჭარის ტელევიზიასა და რადიოს გუნდს შეუერთდა. ამის შესახებ ინფორმაციას აჭარის ტელევიზია ავრცელებს. ტელევიზიის ინფორმაციით, იგი აჭარის მაუწყებლის მართვის მოდელზე/სტრუქტურასა და შიდა სახელმძღვანელო დოკუმენტებზე იმუშავებს.  „ერთობლივი საქმიანობის მთავარი აქცენტები  მაუწყებლის ტელე-, რადიო- და ვებპლატფორმების მართვის  დოკუმენტის მომზადება,  სამაუწყებლო ბადის ანალიზი და სრულყოფა იქნება. ზვიად ქორიძე შიდა მონიტორინგის სისტემის სრულყოფასა და მაუწყებლის თანამშრომლების კვალიფიკაციის ამაღლებაზე იმუშავებს, ასევე ჩაერთვება დონორებთან და საერთაშორისო ორგანიზაციებთან მოლაპარაკებების პროცესში, საჭიროების შემთხვევაში კი იქნება მაუწყებლის წარმომადგენელი.   დღეისათვის ზვიად ქორიძე  ეწევა პედაგოგიურ საქმიანობას ჟურნალისტიკის მიმართულებით, საქართველოს სხვადასხვა უმაღლეს სასწავლებელში," - ავრცელებს აჭარის ტელევიზია.